fulu viwanja blogspot: JUMAMOSI MTANANGE WABABE LA LIGA, DIMBANI ESTADIO VICENTE CALDERON!!

Friday, 10 January 2014

JUMAMOSI MTANANGE WABABE LA LIGA, DIMBANI ESTADIO VICENTE CALDERON!!

JUMAMOSI Usiku huko Jijini Madrid, ndani ya Estadio Vicente Calderon, Timu mbili zilizofungana kwa Pointikileleni mwa La Liga, Atletico Madrid na Mabingwa Watetezi Barcelona zitapambana.

Hii ni Mechi inayongojewa kwa hamu sana hasa baada ya Barca kumkaribisha tena Supastaa wao Lionel Messi aliekuwa nje ya Uwanja kwa Miezi miwili na Juzi kurejea dimbani kucheza Mechi ya Copa del Rey na kuifungia Barca Bao 2.

Lakini pia Wadau wanataka kuona Straika hatari wa Atletico Madrid, Diego Costa, mwenye asili ya Brazil lakini ameikana na kuamua kuchezea Spain, nini atakifanya ili kumpiku Cristiano Ronaldo toka Ufungaji Bora wa La Liga baada Ronaldo kumbwaga kwa Bao 1 hivi Juzi.

LA LIGA: MSIMAMO Timu za Juu:

NA	TIMU	P	W	D	L	F	A	GD	PTS
1	FC Barcelona	18	16	1	1	53	12	41	49
2	Atletico Madrid	18	16	1	1	47	11	36	49
3	Real Madrid CF	18	14	2	2	52	21	31	44
4	Athletic Bilbao	18	10	3	5	26	23	3	33
5	Real Sociedad	18	9	5	4	35	23	12	32
6	Villarreal CF	18	9	4	5	32	20	12	31
7	Sevilla FC	18	8	5	5	35	29	6	29
8	Valencia	18	7	2	9	25	29	-4	23

Barca, chini ya Kocha Gerardo Martino, wapo kileleni mbele ya Atletico Madrid,

chini ya Diego Simeone, kwa tofauti ya Mabao tu na hivi karibuni Atletico wamekuwa waking’ara zaidi.

Katika Mechi 5 zilizopita za La Liga, Atletico wameshinda Mechi zote na Diego Costa kupachika Bao 6.

Barca walipata kipigo chao pekee cha La Liga Msimu huu mwanzoni mwa Desemba walipofungwa 1-0 na Athletic Bilbao lakini baada ya hapo wakashinda Mechi zao zote 3 na kwenye Mechi hii wanae tena Messi aliekuwa nje tangu Novemba.

Katika Miaka 20 iliyopita, Atletico na Barca zimekutana mara 3 tu zikiwa ndio Timu zilizo na Nafasi mbili za juu kwenye La Liga na Atletico kushinda mara mbili katika Mechi hizo 3.

Msimu huu, wameshakutana mara mbili mwanzoni mwa Msimu na Barca kutwaa Supercopa de Espana kwa Bao la Ugenini baada ya kutoka 0-0 Nou Camp na 1-1 huko Estadio Vicente Calderon.

Kabla ya Mechi hizo za Supercopa de Espana, Barca ilikuwa imeifunga Atletico mara 6.